VRAPI i AKADEMIKUT
(Evokim poetik kushtuar Akademik Eshref Ademajt)
Prof.Ibrahim Skenderi (poet)
Ishte moti, shumë moti
gjashtë dekada e gjysmë më parë ishte
Lakmoja dhe ëndërroja unë vogëlushi
jo për shportën mbushur plot rrush
as për kalaveshin që e mbaja në dorë
në të kthyer nga vëreshta e dajave
Por për të riun që vraponte
rrugës së gurtë drejt Qafës së Zhurit
me ca libra nën sqetull
Më bëri përshtypje djaloshi…
Me pantallona të përveshura
Djaloshi që me këmishën zbërthyer
mbronte librat nga shiu
që ishte duke riguar
Është Eshrefi…
Eshrefi i Brahim Ademajt
Student i dalluar i matematikës
tha dajë Hajdari!
Mu shtua kurershtja dhe lakmia:
Ah, sikur të arrija e të vrapoja
edhe unë kështu
E ai, djaloshi zhurjan nuk e ndali vrapin
si një atlet maraton vrapoi
drejt cakut pa infinit.
Gradimet më të larta profesionale i përqafoi
për arsimim
për shkencë
për mbëltime të reja profesionale…
Meritor praruar me titullin Akademik
nuk e ndali dot vrapin
djaloshi zhurjan
Vrapin e përjetësuar me vepra
Që Ardhmëria
do t’i mbajë përjetësisht në gji!
Gusht,2024
